Физкультура укытучысы кыйнаган укучы малайның баш мие селкенгән, күкрәге бәрелгән
Дәрес вакытында укытучы үсмер малайга сукканын видеога төшереп алганнар.
Якутиянең Хангаласск районындагы мәктәпләрнең берсендә укучы малайны физкультура укытучысы кыйнаган. Моны шаһитлар видеога төшереп алган. Әлеге кадрлар буенча тикшерү эшләре башланган. Бу турыда өлкә буенча Тикшерү идарәсенә сылтама белән РЕН ТВ хәбәр итте.
14 апрельдә физкультура дәресе вакытында укытучы ир-ат укучы малайга суга. Тик әлеге вакыйга турында хәзер генә билгеле була.
Тикшерү комитеты белешмәсе буенча, үсмер малай медицина ярдәме сорап мөрәҗәгать итә. Документларда теркәлгәнчә, баланың баш мие селкенгән, күкрәк читлеге бәрелгән. Табиб аңа амбулаториядә дәвалау билгеләгән.
«Тикшерү чаралары кысаларында әлеге фактның чынлыгы тикшерелә, расланган очракта, педагогның гамәлләренә җинаять-процессуаль закон буенча бәя биреләчәк», диелә хәбәрдә.
Чыганак: Интертат ; фото: видеодан скриншот
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев