"Форпост" активистлары ветераннар янында (+фото)

Ильнур, 12 май 2017 - 12:31

2449

Балтач «Форпост» үзәгенең Кече Лызи мәктәбе активистлары Фердинант Гыйлемҗанов җитәкчелегендә Кече Лызи авылында гомер итүче, Бөек Ватан сугышы ветераны Медведев Анатолий Кузьмич һәм аның тормыш иптәше, тыл ветераны Анна Андреевна янында булып, хәлләрен белделәр.

"Форпост" активистлары ветераннар янында (+фото)

Әлеге чара Бөек Җиңүнең 72 еллыгы уңаеннан, "Өлкәннәргә ярдәм" акциясе кысаларында оештырылды. Укучылар патриотик рухтагы шигырьләр сөйләделәр. Ветераннардан сугыш еллары турында сораштылар.

Мондый эчтәлектәге очрашулар укучылар күңелендә мәрхәмәтлелек, кешелеклелек сыйфатларын тәрбияли. Ватанны, үз туган җиреңне яратырга, кешеләре белән танышырга һәм горурланырга өйрәтә.