Һәр вакыйга йөрәктә урын ала

Иң беренче Чепья урта мәктәбендә махсус хәрби операциядә батырларча һәлак булган Рафаэль Галимуллин белән Дмитрий Степанов исемен мәңгеләштерү максатыннан, истәлек тактасы ачылды. Аннан Сосна, Карык-Серма һәм дә Кариле авылларында «Авыл территорияләрен комплекслы үстерү» программасы нигезендә Гариповлар, Игнатьевлар, Ивановларлар, Хәсәновлар гаиләләре өчен төзелгән йортларда булып, гаиләләрне өй туе белән котладылар.

Бу көнне Түнтәр авылында «Авыл территорияләрен комплекслы үстерү» программасы нигезендә төзелгән хоккей мәйданчыгы ачылды.

Әлеге ачылышны авыл халкы Яңа елга зур бүләк итеп кабул итте. Махсус хәрби операциядә һәлак булган Рәдис Вафин белән Фәнзил Шакировның гаиләләрен Яңа ел белән котладылар. Шулай ук Кариле авылында яшәүче күпбалалы Нурмөхәммәтовлар гаиләсе Яңа ел котлауларына лаек булды.

Үзара салым акчасына Шушма елгасы аша төзелгән җәяүлеләр күпере ачылды. Һәр чарада да Балтач муниципаль районы башлыгы Рамил Нотфуллин белән Татарстан Республикасы Дәүләт Советы депутаты, районыбыз кураторы Камил Ногаев катнашып, ихлас теләкләр ирештерделәр, бүләкләр бирделәр. Депутатыбызны балалар юмарт Кыш бабай итеп кабул иттеләр, чөнки ул әлеге рольгә кереп сабыйларны сөендерде.

Һәр вакыйга йөрәктә урын ала. Имин еллар килеп, шатлык-лы вакыйгаларның бәрәкәтен күрергә язсын, авыр кайгы киче-рүчеләргә Раббыбыз сабырлыклар бирсен.