Хәрби комиссар Васыйл Вәлиев котлый!

Еллар узган саен без Бөек Җиңүнең олуг әһәмиятен, рухи дәвамчанлыгын ачыграк аңлый барабыз. Күпме еллар үтсә дә, сугыш каһарманнарының батырлыгын искә алабыз, яу кырында башын салганнарны, сугыш гарасатын кичеп, бүген арабызда яшәүче каһарманнарыбызны олылыйбыз, күпмилләтле халкыбызның кыюлыгына сокланабыз. Үз гомерләре бәрабәренә кешелекне фашизм афәтеннән йолып калган сугыш шаһитләре турындагы якты истәлек йөрәкләребездә мәңге.

Станоклар артында җиңү коралы койган, иген кырларында маңгай тирен тамызып Кызыл Армиягә һәм иксез-чиксез илебезгә икмәк үстергән, конструкторлык бюроларында, завод-фабрикаларда, госпитальләрдә алсыз-ялсыз эшләгән тыл хезмәтчәннәрен һәрчак олы рәхмәт хисләре һәм хөрмәт белән искә алабыз.

Барчагызга тыныч күк астында бәхетле һәм мул тормыш, жан тынычлыгы телим.
Бөек Җиңү бәйрәме котлы булсын!