И мөкатдәс Хатын-кыз!

Бәйрәм. Районыбызның ханымнары-туташлары нинди генә өлкәдә эшләсәләр дә, барысына да өлгерәләр, хәтта җыр-биюгә дә вакыт табалар. Сыер савучыларыбыз, терлекчеләребез таң белән торып фермага да йөгерәләр, өйдәгесен дә гөлләр кебек эшләп куялар, балалар тәрбияләүдә дә алгы сызыкта алар. Укытучыларыбыз, тәрбиячеләребез хезмәттәге мең дә бер төрле таләпләрдән тыш гаилә тормышында да мөһим роль уйныйлар. Бу тормышның кайсы ягын гына алып карама, һәрберсендә дә гүзәл затларыбызны күрәбез. Үз-үзләрен тәрбияләргә, сәламәт тормыш алып барырга, спорт белән шөгыльләнеп, дәрәҗәле үрләр яуларга да өлгер алар. Илаһи затларның заман сулышы белән бер дулкында яшәүләренә таң калырлык! Сау-сәламәт һәм бәхетле бул, и мөкатдәс Хатын-кыз!

Фотода: Арбор авылы мәдәният йортының «Ядкарь» ансамбле ханымнары-туташлары, тормышта җиң сызганып эшли дә, сәхнәләрдә матур итеп, хисләнеп чыгыш та ясый беләләр. / Фото: автор