Җиңү һәркемнең күңелендә

Чарада сугыш алды баласы, бик күп еллар шифаханәдә хезмәт күрсәткән Елизавета Абрамова сугыш чорындагы вакыйгаларын сөйләде. Бүлекчәдәге тыл ветераннары да бу әңгәмәгә кушылдылар. Кичәнең төп кунаклары булган Балтач районының социаль яклау бүлеге җитәкчесе Алсу Гатиятуллина һәм "Наз" үзәге директоры Гөлнара Әхмәдиева бәйрәм уңаеннан тернәкләнүчеләргә бүләкләр тапшырдылар. Чара ахырында "Халыклар дуслыгы" музее хезмәткәрләре Бөек Җиңүгә багышланган презентация күрсәттеләр һәм өлкәннәребезгә Георгий ленталары тараттылар.