Изгелек: авыр чакта сыналабыз (+фото)

Шундыйларның берсе – «МДСУ-1» оешмасы һәм аның җитәкчесе Рашит Ильясов. Бу авыр чорда оешма исеменнән районыбызның 54 гаиләсенә һәрберсе 1 мең сумлык азык-төлек пакетлары таратылды. Оешмада эшләгән һәм балалары дистанцион укуда кыенлык күргән гаиләләргә 4 ноутбук бүләк ителгән. Әле киләчәктә хәйрия эшләре моның белән генә тукталып калмаячак, диләр монда. 
«Закирова» крестьян-фермер хуҗалыгы да мохтаҗларга ярдәм кулы суза. Шушы көннәрдә ялгыз яшәүче 4 пенсионерның өйләренә барып, хәлләрен белеп, казылык һәм ит эшләнмәләре тутырган пакетлар бүләк иттеләр. 
Исемен белгертергә теләмәгән мөселман егете Рамазан аенда мохтаҗ гаиләләргә 1 мең 200 сумнан 4 пакет тутырып, ярдәм итү йөзеннән, социаль яклау бүлегенә 6 мең сум акча кертеп бирә. Бу бүләкләр тутырып, тиешле гаиләләргә җиткерелде. 
Мәчетләребез тарафыннан ялгызларга, авыр тормышта яшәүчеләргә ярдәм итү даими рәвештә алып барыла. Саваплы эшкә һәркем кушыла ала. Ярдәм итәргә теләүчеләргә районның социаль яклау бүлегенә мөрәҗәгать итү өчен телефоннар: 2-44-78, 2-43-78. 
«Кайнар линия» кысаларында 20ләп волонтер, 36 социаль хезмәткәр азык-төлек, дарулар илтә. Бәрәңге белән булышкан «Татарстан» җәмгыятенә Тимирязев исемендәге җәмгыять тә кушылган. «Нур», «Бәхет» кибетләре ризык тулы пакетлар биргән, «Гиппократ» даруханәсе дә «Pampers» белән ярдәм иткән.