Кайгы җиле ишек какмасын

Яраткан, кадерле әтиебез Габделәхәт Нәҗипов фаҗигале төстә вафат булды. Балаларым, оныкларым дип яшәгән иң кадерле кешебез суларга төшеп югагандай булды. Ачы хакыйкатьнең дөрес булуын аңласак та, күңелебез генә ышанмый.

Әтиебез искиткеч әйбәт, акыллы, олы җанлы, зур ихтирамга лаек кеше иде.

Бу хәсрәтле вакытыбызда кайгыбызны уртаклашып, матди һәм рухи ярдәм күрсәтүчеләргә туганнарга, кода-кодагыйларга, Радик Закиров гаиләсенә, күршеләргә, авылдашларга, авылдагы шәфкать туташларына, дусларга, мәчет картларына, район үзәк хастаханәсе табибларына, барлык кан бирүчеләргә, Куныр авыл җирлеге һәм “Якты юл” җәмгыяте җитәкчеләренә, Куныр балалар бакчасы һәм “Энергетика” оешмасы, Балтач сөт-май комбинаты хезмәткәрләренә, булышкан һәммә кешегә чын күңелдән рәхмәтебезне белдерәбез. Барыбызга да исәнлек-саулык, кайгы-хәсрәт күрмичә яшәвегезне телибез.

Мәрхүмнең тормыш иптәше һәм балалары,
Куныр авылы.