Кемгә медаль?

Беренче бүләк белән аӊлашыла, чөнки соӊгы вакытларда янгын чыгу мисаллары бик күбәеп китте, ике көннеӊ берендә янгын чыга, хезмәт хакы гына алган хезмәткәр, аныӊ бурычы булса да, ялкынга эченә ташланмаска мөмкин. Ә болай кешеләрне коткаруда аерым батырлык үрнәге күрсәтелгән булса, рәхим ит, Сина медаль! Кешеләрне янгыннан чыгару, материаль байлыкларны саклап калу очраклары аз түгел, димәк, медаль чын үзенеӊ ияләрен табар, дип ышанабыз.

Икенче бүләккә килгәндә, аз гына аӊлашылмый, бу янгыннарны сүндерүдә актив катнашкан гади хезмәткәрләргә бирелерме, әллә инде газетада язылганча, «сүндерү операциясе белән» идарә иткәннәргәме? «Янгын сагы» булгач, гади халыкка күпсанлы беркетмә төзеп, күп итеп штраф салучыга эләкмәсме бу исем? Минемчә, мондый исемне җаваплы хезмәткәр беркетелгән районда, өлкәдә иӊ аз янгын очраклары булганнарга гына бирергәдер. Хәер, медале һәм исеме булгач, иясе табылыр, борчылмыйк җәмәгать.

Фото: pixabay.com/ru