Хәбриевлар төп нигез җылысын саклап яши

Югары Субаш авылында күпчелеге өлкән буын кешеләре булса да, яшь гаиләләр дә аз түгел. Ата-ана белән  бергә нигезне саклап яшәүче яшь буынның булуы күңелне сөендерә.
Шундыйларның берсе – Хәбриевлар гаиләсе. Раушан тормыш иптәше  Алия белән 3 батыр ул тәрбияли. Гаилә башлыгы  фермерчылык (КФХ) белән шөгыльләнә, Алия Урта Көшкәт авылында фельдшер булып эшли. Гаиләнең ни дәрәҗәдә тырыш, тату яшәвен билгеләү өчен аның йорт-җире, каралты-курасына күз салу да җитә.
– Авылда берең генә эшләп булмый, әгәрдә янәшәңдә терәк булмаса, бик кыен. Шуңа күрә бердәм булып , әни белән киңәшләшеп, барлык эшләрне дә аның ярдәме белән эшлибез, – ди Алия.