Кышкы озын кичләрдә... Көшкәтбашта...

Кышкы кичләрнең берсендә  уңганлыгы-булганлыгы белән  дан тоткан  Көшкәтбаш авылында, мәдәният йортында,  халык җыены узган. Җыенга сиксәнләп кеше килгән. Районнан авыл хуҗалыгы һәм азык-төлек идарәсе башлыгы Фирдәвес Нәбиуллин да катнашкан. Халык белән күзгә-күз карашып сөйләшү уңай атмосферада узган. Субаш авыл җирлеге башлыгы Рәнис Вафин алда көтеләчәк Россия Президенты сайлаулары турында аңлаткан, халыктан сөт җыю мәсьәләсенә ачыклык керткән, дәүләттән бирелә торган субсидияләр хакында мәгълүмат биргән. Фирдәвес Нәбиуллин районның социаль-икътисадый үсешенә тукталып, авыл кешесен кызыксындырган сорауларга җавап биргән. “Халык җыелыштан канәгать калды, җитәкчелек белән болай очрашып тору кирәкле гамәл”, дип белдерделәр көшкәтбашлылар. Соңыннан авыл үзешчәннәре белән әзерләнгән концерт тәкъдим ителгән.

Г.Хасанова фотосы