Өлкән буын безнең өчен үрнәк

Балтачта яшәүче Илсөяр Фәйзрахманова, Гадилә Хәмидуллина һәм Ушмадан Мария Григорьева безне бик җылы каршы алдылар, шулай да һәркайсы күз яшьләрен яшерә алмадылар. Күңелләре нечкәреп, сугыш чорында күргән авырлыкларын искә алып, үзләренә булган кадер-хөрмәткә шөкер итеп, дога кылып, киләчәкләрнең тыныч булуларын теләде алар. Без дә үз исемебездән тагын бер кат өлкәннәребезне котлап, сәламәтлекләренең какшамауларын, йортларында тынычлык булуны һәм бәрәкәтле озын гомер телибез.