Мең рәхмәт сезгә, безгә эшләү мөмкинлеге тудырган өчен! (видео)

Мобилизация башланганнан бирле Орда һәм читтә яшәүче авылдашлар, Зәкиев Илнур ярдәме белән 78 мең сум акча җыелып, шул акчага аш ясау өчен кирәкле продуктлар сатып алынган, 1750 порция аш ясалган.

Аш продуктларын киптерер өчен «Маяк» җәмгыяте ике сушилка алып биргән. Авылдашлары моның өчен җәмгыять җитәкчесе Хәлил Хаҗиевка бик рәхмәтле.

— Тагын шуның кадәр аш ясарлык продукциябез бар әле. Ит, бәрәңнге киптереп бетерсәк, токмач киссәк, тагын җыелып ясап алырга ниятебез, — ди орлылар.

Миһербанлы авылдашлары һаман да ярдәм итүләрен дәвам итәләр икән. Иң беренче сетка үрү өчен авылдан ак түлләр җыеп, клубка җыелып шуларны кискәннәр, москитный сеткалар үргәннәр. Гуманитар ярдәм җыюда, калай банкалар туплауда зур активлык күрсәткәннәр. Хәзерге вакытта аш ясау белән шөгыльләнәләр.

Авыл халкының бердәмлегенә, олы йөрәкле, киң күңелле булуларына сокланырлык.