Мөфти Камил Сәмигуллин Конституциягә төзәтмәләр кертү буенча тавыш бирергә чакырды
Мөфти Коръән аятьләрен мисал буларак китерде һәм республика халкы бердәм булырга тиеш дигән фикерен әйтте.
(Казан, 24 июнь, «Татар-информ», Зилә Мөбәрәкшина). Татарстан мөфтие Камил Сәмигуллин Россия Конституциясенә үзгәрешләр кертелүгә бәйле тавыш бирүдә катнашырга кирәк дип саный. Бу хакта ул журналистларга сөйләде.
«Конституция икенче төрле әйткәндә "килешү" дигәнне аңлата. Әлеге документ белән без бер фикергә киләбез. Ул безнең гаиләләребезгә, телебезгә, милләтебезгә кагыла. Шуңа күрә безгә барыбер тавыш бирергә килергә кирәк. Коръәндә дә: „Аллаһы Тәгаләгә, пәйгамбәребезгә һәм җитәкчеләрегезгә дә буйсыныгыз“, — дип әйтелә», — дип аңлатты ул.
Камил Сәмигуллин башка бер аятьне дә искә алды. «Фетнә чыгару, сәбәпче булу үтерүдән дә яманрак нәрсә». Шуңа күрә без бергә һәм бердәм булырга тиеш. Тавыш бирергә килегез, үз фикерегезне белдерегез», — дип сөйләде ул.
Фото: Солтан Исхаков
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев