“Наз”да яңа түгәрәк эшли башлаган

“Наз” үзәгендә 2021елода яңа түгәрәк эшли башлаган. Сәламәтлекләре ягыннан мөмкинлекләре чикле булган 18 яшьтән алып 40 яшькә кадәр булганнар өчен оештырылган әлеге түгәрәк атнага бер тапкыр үткәрелә икән. Биредә Балтачтан да, якын-тирә авыллардан да киләләр.

Менталь үзенчәлекләре булганнар биредә иҗат итә, материал белән эшләгәндә үз көчләрен сынап карый, яңа дуслар таба һәм аралашу даирәсен киңәйтә, команда белән эшләргә өйрәнә. Кыскасы, әлеге түгәрәк кечкенә бер остаханәне хәтерләтә. Егет-кызлар төрле кул эшләре иҗат итү белән бергә, артислык сәләтләрен дә барлый. Алар өчен айга бер тапкыр экскурсия каралган. Балтач, Арча, Саба районнарындагы истәлекле урыннарда булып кайтканнан соң хис-кичерешләрен, анда күргәннәрен рәсемгә төшерәләр. Ул рәсемнәрнең матурлыган күрсәгез! Яңа ел бәйрәме алдыннан чыршы уенчыкларына бәйге дә оештырганнар.

Әлеге түгәрәк эшчәнлеге белән бүген район башлыгы Рамил Нотфуллин да танышты һәм эшчәнлекләренә югары бәя бирде.

– Һәрбарчагызны да якынлашып килүче Яңа еллар белән тәбрик итәм. Шатлык-куанычлар, яхшы хәбәрләр генә иршетергә язсын сезгә, – дип изге теләкләрен ирештерде.

Фото: автор