Әниләре исемен авылдашлары күңелендә яңарталар. Кемнәр? (+фото)
Кәлимуллина Флёра апаның исемен авылдашлары күңелендә яңарту максатыннан, улы Фәнис ел саен Норма, Кариле авылы хатын-кызлары өчен чәй табыны әзерли.
Быел да бу чараны зурлап уздырдылар. Фәнис Казаннан кадәр берсеннән-берсе тәмле сый-нигъмәтләр, яшелчә, җиләк-җимеш кайтартса, Тимирязев исемендәге хуҗалык әби-апаларны тәмле пылау белән сыйлады. Әлеге бәйрәмне оештыруда Флера апаның кызы Наилә дә зур көч куя. Мәдәният йорты хезмәткәрләре Зилә Шәрипова, Лилия Шәйхетдиновалар да оештыру эшләрендә башлап йөрүчеләрдән.
- Ел саен әлеге бәйрәм чарасы коръән уку белән башланып китә. Мул сыйлы табыннар артында мөнәҗәтләр дә әйтелә, халык җырлары да сузыла, истәлекләр дә барлана. Инде менә 5-6 ел рәттән ел саен шундый күркәм чарага җыелабыз. Әниләре хакына авылдашларын куандырган Фәнискә, Наиләгә ихлас рәхмәтләребезне ирештерәбез. Чарага көче кергән һәркемгә Аллаһы Тәгалә саулык-сәламәтлек, куанычлы гомерләр насыйп итсен, - дип Шалтырата Норма авылыннан Сәрия Аитова.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев