Нөнәгәрлеләр табигать белән гармониядә

Әлеге чарада ТР Экология һәм табигый байлыклар министры урынбасары - республиканың әйләнә-тирә мохитне саклау өлкәсендә баш дәүләт инспекторы, якташыбыз, Нөнәгәр егете Фаяз Шакиров, әлеге министрлыкның Төньяк территориаль идарәсе инспекторлары, ТР Урман хуҗалыгы министры вәкилләре, ТР Фәннәр Академиясе вәкилләре күрше-тирә районнардан, Мари-Эль республикасыннан мәртәбәле шәхесләр һәм форумда фәнни-эзләнүле эшләр белән чыгыш ясарга килгән укучылар катнашты.

Нөнәгәр укучылары кунакларны милли киемнәрдән киенеп, "тере" коридор аша үткәреп, ипи-тоз белән каршы алдылар.

Тантаналы ачылыштан соң концерт номерлары, экология темасына багышланган театральләштерелгән тамаша тәкъдим ителде. Ә аннан соң кабинетларга бүленеп, секцияләр эшчәнлеге үз эшен дәвам итте.