Норма клубына керәләр-чыгалар,  ни бар соң анда?!

Мәгълүм булганча, Норма мәдәният йорты төзекләндерелде, яңарды. Өр-яңа җиһазлар да кайтартылды.  Соңгы вакытта эшләр кызу булды биредә, кереп-чыгып йөргәнгә аптырый торган түгел. Осталар җиһазларны җыйды,  урнаштырды, район китапханәчеләре бергәләшеп китапларны урнаштырырга булышты. Яңа клубны яңача итеп кайчан ачарлар, анысы әлегә билгесез. Әмма җирле халык зарыгып көткән мәдәният йортына инде күптән агыла. Бүген исә биредә зур вакыйга көтелә, Гарифҗан Мөхәммәтшинның  яңарак кына табадан төшкән “Кариле -Кара иле” китабын  тәкъдим итәргә җыеналар.