Норма яшьләре бар яктан да булган

Норма җирлегендә яшәүче яшьләр бар яктан да булган,  –  үткен дә алар, актив та. Кайсы гына өлкәне алма, барысында да чын күңелдән катнашалар. Мәдәният хезмәткәрләренең дә, җирлекнең дә уң кулы алар дисәң дә ялгыш булмас. Кайчак участок вәкиленә дә ярап куялар. Әле менә күптән түгел участок вәкиле Раушан абыйлары белән очрашу үткәреп, аңардан терроризм-экстремизм буенча сөйләттеләр. Хәзер менә быелдан илнең әһәмиятле вакыйгаларында да катнаша башладылар, узган атнада узган РФ Президенты сайлауларында да тәүге мәртәбә тавыш биреп, бүләкләргә ия булдылар. Уңган-булган, акыллы яшьләре белән җирлек тә, әти-әниләре дә горурлана ала.