Посылкалар модадамы? (+фото)

Ә мин килешмим. Нинди чорда яшәсәк тә, ул үз актуальлеген югалтмый. Гомумән, посылка алу һәм ачу – дулкынландыргыч бер вакыйга. Бу бәхетне үз гомерендә бер тапкыр гына булса да татып караган кеше моның шулай икәнен белә. 
Күптән түгел, очраклы рәвештә,Чепья почта бүлекчәсендә якыннарына бәйрәм алды посылкаларын җибәрүчеләр белән очрашырга туры килде. Аларның хис-кичерешләре хакында да сорамый кала алмадым. Мәсәлән, Чепьядан Антонида Чернова Новороссийск шәһәрендә яшәүче улына, Ираида Абрамова Ростовка апасына, ә Улисьялдан Анатолий Федоров Мәскәү шәһәренә, оныкларына посылка җибәрде. 
Анатолий абыйның өч кызы бар. Барысы да гаиләле. Мәскәүдә яшәүче кызының 3 малае бар. “Оныкларымнан бәйрәмгә нинди бүләк җибәрим дигәч, янгын сүндерү машинасы диделәр”, ди Анатолий абый. 
Хәер, посылкада бер машина гына түгел, бик күп тәм-том һәм, иң мөһиме, безнең җирлекнең визит карточкасы булган чәк-чәк тә бар иде. 
 

Анатолий Федоров, аның гаиләсе хакындагы җылы язма белән “Хезмәт” газетасының Яңа ел саннарында таныша алачаксыз.