Путин Татарстан волонтерына Рөстәм Миңнехановны туган көне белән котларга тәкъдим итте

Россия Президенты Владимир Путин Татарстан волонтерына республика Президенты Рөстәм Миңнехановның туган көне белән котларга һәм аның белән ирекле проектлар буенча фикер алышырга тәкъдим итте.

Татарстан пенсионеры Хрия Халитова пәнҗешәмбе көнне Путинның "Без бергә" акциясендә катнашучылар белән очрашуында Президентка пандемия вакытында ветераннарга күрсәткән ярдәм, шулай ук волонтерларның башка эшләре турында сөйләде.

"Сез шундый зур эш башкарасыз, һәм ул аны хуплауга лаек", - дип билгеләп үтте дәүләт башлыгы. Ул,"күптән түгел Татарстан Президенты Рөстәм Нургалиевич белән сөйләштем, аны туган көне белән котладым", дип искәртте. Рөстәм Миңнехановка 1 мартта 64 яшь тулды.

"Сез аңа шалтыратмадыгыз, котламадыгызмы?"- дип сорады Путин. Халитова тискәре җавап бирде. "Шалтыратып котлагыз, аңа бик күңелле булачак. Аның белән якын арада әзерләнгән проектлар буенча фикер алышыгыз, ул сезгә ярдәм итәр дип ышанам, - дип тәкъдим итте дәүләт башлыгы. - Сезгә җиңелрәк булсын өчен, аның ярдәмчеләре сезнең белән элемтәгә керәчәкләр, ә сез аны туган көне белән котлыйсыз, ә ул сезнең эш барышында Сезгә ничек ярдәм итәргә икәнен әйтер".

"Яхшы, киңәшегез өчен зур рәхмәт, - дип Путинга рәхмәтен белдерде Халитова. - Бу бик шәп булачак, мин риза!"

"Мин шикләнмим", - дип җавап бирде Путин.

Тулырак: tass.ru

Фото: Алексей Дружинин/пресс-служба президента РФ/ТАСС