Район башлыгы Балтачыбызның иң күркәм гаиләсендә кунакта (+фото, видео)

Район башлыгы Рамил Нотфуллин 8 июль - "Гаилә, мәхәббәт һәм тугрылык көне" уңаеннан 60 елдан артык парлы сукмактан атлаган районыбызның үрнәк гаиләсе, Югары Субаш авылында яшәүче Мәрьям һәм Борис Вафиннар белән очрашты.

- Сез яшәешнең иң асыл сыйфатларына мәңге тугъры калып, балалар һәм оныкларга үрнәк булып яшәп, нинди генә хәлдә калганда да гаилә ныклыгын саклый алгансыз. Сезнең гаилә йорты һәрчак нык, нурлы, мәхәббәтле булсын! Ихлас ярату кимемәсен, иминлек, бәхет телим! - диде Рамил Нотфуллин.