Район пионерлары сугыш елларында

Ильнур, 19 май 2015 - 13:37

2426

Бөек Ватан сугышы елларында район пионерлары җиңүгә зур өлеш керткәннәр. Моны түбәндәге саннар да ачык сөйли.

Колхозда эшләргә тиешле балалар 4000гә якын булып алар башкарган хезмәтнең бәясе 203572 хезмәт көне (колхозларда акча түләнмәгән чор).

Фронт өчен акча туплау, җылы киемнәр җыйнауга катнашып, Чепья районы пионерлары һәм комсомоллары 100мең сум җыйнадылар. Районга иптәш Сталиннан рәхмәт телеграммасы тапшырыла (1943 ел).

Балтач районы 40 мең сумнан артык акча тапшырды. Бигрәк тә Балтач, Сосна, Яңгул, Бөрбаш мәктәпләренең өлеше зур булды, дип билгеләнә.

1942 ел. Фронт өчен яралыларга ярдәмгә 565 кг. төрле дару үләннәре җыйналды. Яңгул, Сосна, Балтач мәктәпләре актив катнашалар. Балтач мәктәбе укытучысы Рәҗәпова үзенең класс укучылары белән 155 кг. дару үләннәре тапшыра. Бу эш алдагы елларда да дәвам итә.

Бөек Ватан сугышында катнашкан вожатыйлар:

Әмин Йосыпов - Яңгул урта мәктәбеннән;

Габделбәр Фатыйхов - Яңгул урта мәктәбеннән;

Сәгъди Хәмитов (һәлак була) - Яңгул урта мәктәбеннән;

Фазыл Мөхәммәтов - Смәел урта мәктәбеннән;

Мәрдән Шакиров (һәлак була) - Смәел урта мәктәбеннән;

Хөсни Хәертдинов - Пыжмара мәктәбеннән;

Гани Галимов (һәлак була) - Салавыч мәктәбеннән;

Ираида Савельева - Чепья урта мәктәбеннән;

Зәкирә Галиева (сугыштан соң авырып үлә) - Смәел урта мәктәбеннән;

Фәрт Гыйльманов - Чепья урта мәктәбеннән;

Мәгъсүм Галимҗанов - Балтач урта мәктәбеннән;