Районда иң беренче булып газлаштыруны башлаган шәхес. Кем ул?

Ул 1946 елда Арбор авылында дөньяга килә, кызганыч, балачак, яшьлек еллары ятимлектә уза. Чепья урта мәктәбен тәмамлагач, “Труд” колхозында тракторчы булып эшли башлый. Казан инженер-төзелеш институтында белем ала, аны 1974 елда төгәлли. Төрле оешмаларда мастер-прораб булып эшли. Районыбызны газлаштыруда бик зур хезмәт куйган кеше ул Фатыйх Юнысов, “Востокстройтрансгаз” трестында, ПМК-1 участогын җитәкләгән чактагы хезмәтләре әйтеп, бәяләп бетергесез аның.Тормыш иптәше Язилә белән бер ул һәм бер кыз тәрбияләп үстерделәр. 
Искәрмә: Мәрхүм булганнарны искә алуыбыз рухларына изге дога булып барып ирешсен.