Һәркемгә рәхмәт

Бистә зиратын чистарту, аны иске агачлардан арындыру кискен мәсьәлә булып тора. Ел саен күпмедер черек агачлар киселсә дә, иске каберләр арасы йөреп булмаслык урманга әйләнгән иде. Бу елда агачларны күбрәк күләмдә кисәргә туры килде, ди Балтач үзәк мәчете имамы Рамил хәзрәт. Ул, бу өмәдә катнашкан һәр кешегә үзенең рәхмәтен җиткерә, күп шәхси эшмәкәрләрләрнең агач, чүп ташу өчен транспорт белән ярдәм итүенә шатланган. Шунысын да искә төшерәбез, элегә зиратта чистарту эшләре бик күп, һәркем үзеннән хәерле, саваплы эшкә өлешен кертә ала.