Рөстәм Миңнеханов дүрт яшь татарстанлының Яңа ел хыялларын тормышка ашырачак

Татарстан Президенты Рөстәм Миңнеханов «Теләкләр чыршысы» Яңа ел акциясендә катнашты. Бу хакта республика җитәкчесенең матбугат хезмәте җитәкчесе Лилия Галимова хәбәр итә.

Рөстәм Миңнеханов дүрт яшь татарстанлының теләген үтиячәк: үз синтезаторы турында хыялланган 13 яшьлек Арсланның; 14 яшьлек Адиләгә планшет сатып алган; Яңа елга хоккей өчен спорт сумкасы сораган 15 яшьлек Романның; 7 яшьлек Егор яңа ел тылсымчысыннан "Маккуин Яшен" зур машинасын сораган булган.

Чара бүген «Татарстан Республикасы Муниципаль берәмлекләре советы» ассоциациясе съезды барышында узды. Акциядә муниципаль берәмлекләр башлыклары да катнашты, алар 60 баланың Яңа ел хыялын тормышка ашырачак.

Ирекле чарада Яңа елга кадәр катнашырга мөмкин. Анда офлайн, шулай ук онлайн — Теләкләрчыршысы.РФ сайты аша катнашырга мөмкин.

"Катнашу өчен мәҗбүри шарт — теләк 2021 елның 28 февраленә кадәр үтәлергә тиеш", — дип өстәде Галимова.

Акция «Минем белән хыяллан» Бөтенроссия хәйрия проекты тарафыннан оештырылды. Акцияне Россия Президенты Владимир Путин да хуплады, ул Тула өлкәсеннән чын панданы кочарга теләгән 10 яшьлек Александр Колесников һәм Чиләбе өлкәсеннән Кызыл мәйданда булырга, тимераякта шуарга һәм Президентның кайда эшләвен күрергә теләгән 9 яшьлек Дмитрий Ощепковның хыялларын тормышка ашырачак.

Тулырак: ТИ

Фото: tatarstan.ru