Рөстәм Миңнехановка «Хатлар йорты» сервисы аша татар телендә открытка җибәргәннәр
ТР Президенты үз сәхифәсенә язылучыларны бер-берсенә хатларны татар телендә язарга чакырды.
(Казан, 2 февраль, «Татар-информ», Әдилә Зыятдинова). Татарстан Президенты Рөстәм Миңнеханов «Хатлар йорты» посткроссингы ярдәмендә алган открытка белән уртаклашты.
Instagram социаль челтәрендәге үз сәхифәсендә ул открытканың фотосын урнаштырган.
«Дуслар, киләсе атна ахырында хат язарга чакырганнан соң миңа бик матур татарча открытка килде. Анда @tatarhatlar барлык ватандашларыбызны хатларны татарча язарга һәм матур открыткалар белән уртаклашырга чакыра», - дип сөйләде ул почта карточкасын алу тарихы турында.
Миңнеханов шулай ук үз сәхифәсенә язылучыларны флешмобка кушылырга һәм татар телендә язылган хатлар белән алмашырга чакырды.
«Татар-информ» агентлыгы элегрәк хәбәр иткәнчә, әлеге акцияне узган атнада «Хатлар йорты» сервисын ачкан Энҗе Садыйкова тәкъдим иткән иде.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев