«Сабантуй» ял паркында өмә узды

Элек-электән шулай булган бит инде ул, авыр эшне җыелышып, бергә-бергә эшләгәннәр дә, ахырдан бергә-бергә табын корганнар, ашаганнар-эчкәннәр.

Авыр хезмәтне күмәкләшеп башкаргач һәм дә ахыры бәйрәм белән төгәлләнгәч, хезмәтнең авырлыгы да сизелмәгән, сизелсә дә тиз онытылган.

Безнең Балтачта да шулай өмә игълан итеп, бергә-бергә матур итеп эшлиләр, аннан табигать кочагына утырып сыйланып алалар. Кайсыбер хезмәт коллективлары табигатьтә коймак пешерә, чәй кайната, шашлыгын да өлгертә. «Сабантуй» ял паркында да тырмалап, җыелган чүпне арбаларга төяп, эшне төгәлләгәч әнә шулай коймаклар да чыңлады, чәйләр дә кайнады.