Сак үт син, шофер, авыл арасын, алышынмасың сизгер карашың...

Шоферлар гел юлда... Ә бит юллар ялгышларны һич тә гафу итми, берәүне дә аямый... Авыл хуҗалыгы техникасын биш бармак кебек белү генә түгел, ә аны чын күңелеңнән яратырга кирәк. Шоферларның арыган, талчыккан йөзләрендәге елмаю - үз хезмәтеңнән канәгатьлек билгесе.
Авылым агайлары нинди генә техникада йөрми: комбайн, тракторлар, К-700, Белоруслар, КамАЗ тагын мин белеп бетермәгән әллә ничә төрле техника!
Авылның иртәнге салкын һавасын яңгыратып бер-бер артлы трактор-машиналар кабына! Әтиләребез эшкә ашыга. Берара авыл дөбер-шатыр килеп ала да тына...Халык эштә...
Бераздан әлеге гөрелте тагын кабатлана. Анысы техника кырлардан МТПларга кайткач була. Менә шушы инде ул авыл тавышлары, авыл музыкасы.

Фотода: 1996 елның феврале. Алан совхозының отчёт җыелышы. Фотода совхоз шоферлары: Фәһим һәм Зәкәрия Габидуллиннар, әтиле-уллы Габдерәүф һәм Таһир Хисаметдиновлар, Илдар Сабиров, Әнәс һәм Рифкать Насыйбуллиннар.

Чыганак: alan_avily