Салавычлылар Фирая апаны соңгы юлга озатты

Берничә буын салавычлыларга төпле белем биргән, үзенең эчкерсез яратуы белән аларның барысының да ихтирамын яулаган, зур хәрефтән язылырга лаеклы Укытучысын - Низаметдинова Фирая Бари кызын бүген олы хөрмәт белән соңгы юлга озатты Салавыч халкы. Тормыш юлында очраган кыенлык-авырлыкларны искиткеч зур сабырлык белән үтеп (соңгы елларда берсеннән-берсе авыр югалтулар, сынаулар кичерергә туры килде аңа), беркайчан зарланмады-сыкранмады Фирая апа. Йөрәгендә нинди утлар янса да, төзәлмәс яралары әрнесә дә, башкаларга күрсәтмәде, йөзендә гел якты нур балкыды, мөлаемлыгын, иплелеген югалтмады. Олысы-кечесе белән балкып, үз итеп, җаныңа үтеп сөйләшкәнгәме, инде күптән лаеклы ялда булса да, ул барлык укучылары өчен гомерлеккә Укытучы булып калды. Һәм шулай булып калыр да...Урыныгыз җәннәттә булсын, УКЫТУЧЫБЫЗ!