Салавыч һәм Бөрбаш авыл җирлегенең Бөек Ватан сугышы ветераннарын хөрмәтләделәр (+фоторепортаж)

Бөек Җиңүнең 72 еллыгы уңаеннан, районыбызның сугыш ветераннарына сугышта һәлак һәм кайткач вафат булганнарының тол калган хатыннарына Татарстан Президенты Рөстәм Миңнехановның һәм Балтач районы башлыгы Рамил Нотфуллинның Котлау хатларын һәм бүләкләрен өләшү дәвам итә.

25 апрель көнне район Балтач район башкарма комитеты җитәкчесенең I урынбасары Илшат Галимуллин район хәрби комиссариаты хезмәткәре Фәрит Галимов, ветераннар советы рәисе Рифат Абдуллин белән берлектә авыл җирлекләрендә яшәүче ветераннарның өйләрендә булып кайттылар. Мөхтәрәм кунаклар Мөхлис Хәбибуллин, Фәйзулла Гарифуллин, Нурҗиһан Хөснетдинова, Габделгани Нәҗиповка Бөек Җиңүгә керткән зур өлешләре, фидакарь хезмәтләре өчен олы рәхмәтләрен һәм котлауларын ирештерделәр. 9 Май көнне район үзәгендә узачак зур тантаналы чарага чакырдылар.