Салым түләмәүчеләр исемләп саналды

Районыбызда төрле салымнарын вакытында түләмәгән физик һәм юридик затлар шактый. Бүген район башкарма комитеты җитәкчесе урынбасары Илшат Галимуллин катнашында узган утырышта сүз шулар хакында барды. Бу мәсьәләдә сөйләшүгә Балтач, Чепья, Куныр, Урта Көшкәт, Яңгул, Салавыч, Субаш авыл җирлекләре башлыклары һәм кайбер бурычлылар үзләре дә чакырылган иде.

Инде бүгенге көнгә бурычларын түләгән кешеләр дә, түләмичә суммасын арттырып йөрүчеләр дә бар. Шуларны исәптә тотып, андыйларга карата катгый чаралар күрергә дигән нәтиҗә ясалды.

Бурычлы булып йокыдан торуга караганда, ач булып йокыга яту яхшырак, диелә бер әйтемдә. Бурычлылар исемлегендә торучыларның гына моңа карата фикерләре башкача икәне күренә.