Сайлаулар башланды, Балтачның СМУ халкы сайлауларга бердәм булып килде (+фото)
Илебез өчен бик тә мөһим булган вакыйга - РФ Президентын сайлау көне килеп җитте. Бүген иртәнге сигездә Балтач районы һәм авылларында барлык сайлау участоклары ишекләрен ачты.
Балтач бистәсенең "Факел" яшүсмерләр клубында урнашкан 1092 номерлы сайлау участогы да иртәнге сигездә үк сайлаучыларны кабул итә башлады. Биредә барлыгы 1698 сайлаучы теркәлгән. Бистәнең Ленин урамы 102-158 йортлары, Речная, Ибраһимов, Нәби Дәүли, Төзүчеләр, Дуслык, Солнечная, Сөембикә, Мазһаров, Восточная, С.Садыйкова, Урожайная, Рафиков, Галимуллина, Алкин, Искәндәров, Асадуллин, Искра, Тумашева, Балкыш, 9 Май, Х.Бигичев, Шакиров, Каенлык, Хисамов, Рәхимов, Гыйззәт, Гыйләҗев, Тинчурин, Яхин, Әмирхан, М.Кәрим, Җиһанов урамнырында яшәүчеләр биредә тавыш бирә.
Үзенең гражданлык бурычын үтәргә иң беренче булып бистәнең Ленин урамында яшәүче Ринат Зарипов килде.
- Бүгенге көн турында күп сөйләнде һәм аның мөһимлеген аңлап, иртәдән үк үз тавышымны биреп кайтырга булдым.
Иртә булуга карамастан, сайлау участогына кеше бер-бер артлы агыла торды. Аларның һәммәсе бәйрәмчә, матур киенеп, ясанып килгән иде.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев