Тал бөресе, тал бөресе....Талныкы түгел шул әле монда...

Җайлы эш булса аңа багышлап җырлар язарлар иде. Әнә, талның бөресе ул кадәрле  әһәмиятле булмагач, һичьюгы җырлар язарга ярый.  Әйе, укучы баласы булган кеше аңлады булса кирәк инде, каен бөресе белән нарат бөресе турында әйтү. Язгы каникул чорында укучы балаларга фәлән шырпы кабы каен бөресе белән фәлән стакан нарат бөресе җыярга кушылды. Нарат бөресе җайлы җыела үзе, тик менә каенныкы артмый гына бит. Көлсәң көл, еласаң ела, тәки укытучы апа кушкан шырпы кабын тутырдык, уздырып та җибәрдек әле. Аның каравы гаилә белән бергә урманга барып, карлар ерып, ял итеп, нарат исләре иснәп, кышкы каеннарга сокланып кайттык. Һәм медицинага да өлешебез керде, даруханәләрдә бәяләре кыйммәт күренсә дә, сырхауларга файдасы тисен.