Танылып килүче яшь баянчы Рүзәл Зиатдиновтан Яңа ел котлавы

2020 ел гадәти генә башланып китте. Ел башында ук әнием Рузилә Зиатдинова сүзләре, дустым Илназар көенә үземнең җырым чыкты. Ул җырны мин беренче тапкыр Илшат Сафинның концертында, Балтач мәдәният үзәге сәхнәсендә башкардым. Минем өчен бу бик зур горурлык. Икенчедән, сөйгән ярымны таптым. Аннан соң пандемия башланды. Һәм ул бетүгә үк Фирдүс Тямаев белән эшкә керештек. Аллаһыга шөкер, әлегә кадәр аның белән иҗат итеп, эшләп йөрибез. Мөмкинлектән файдаланып, райондашларның барсын да Яңа ел белән котлыйм. 2021 елда барыбыз да сау-сәламәт, бәхетле булыйк. Ил-көннәр тыныч булып, якыннарыбызның кадерен күреп, яратып һәм яратылып яшик. Яңа елларда кайгы-хәсрәт күрми яшәргә язсын дигән теләктә калам.