Татарстан Республикасы хәрби комиссариаты: повесткалар традицион рәвештә тапшырылачак

Татарстанлыларны яз көне хәрби хезмәткә традицион ысул белән чакырачаклар. Бу хакта ТР Хәрби комиссариаты официаль документында хәбәр ителә.

„Хәрби хезмәткә чакырылуга бәйле чараларга чакырылырга тиешле гражданнарга хәбәр итү 998 елгы 53-ФЗ номерлы“ Хәрби бурыч һәм хәрби хезмәт турында»гы Федераль закон, РФ Хөкүмәтенең 2006 ел, № 663 карары, РФ Оборона министрының 2007 ел, № 400 боерыгы нигезендә катгый рәвештә башкарылачак", — диелә документта.

Элегрәк массакүләм мәгълүмат чараларында, социаль челтәрләрдә һәм мессенджерларда 2021 елның язында армиягә чакырылучыларның электрон почта яки социаль челтәр аша повесткалар алуы турында мәгълүмат пәйда булган иде. Хәрби комиссар Сергей Погодин йөзендә ТР Хәрби комиссариаты бу мәгълүматларны кире какты һәм аларны фейк дип атады.

Тулырак: ТИ