Татарстан Россиянең иң игелекле төбәкләренең берсе дип танылды

Татарстанлылар Россиянең барлык төбәкләрендә яшәүчеләр арасында игелеклелек буенча дүртенче урынны яуладылар. Комментарийларны, фотосурәтләрне һәм җавап бирүләрне тикшерү нигезендә, мондый мәгълүматларны «Одноклассники» социаль челтәре биргән.

"Өченче кварталда дустанә җавап бирүләр буенча Татарстан Республикасы беренче бишлеккә керде, рейтингта тугызынчы урыннан дүртенче урынга күчте. Бу Татарстанга ел нәтиҗәләре буенча да иң оптимистик яшәүче төбәкләр бишлегенә эләгергә мөмкинлек бирде", - диелә тикшеренү буенча хисапта.

Иң позитив дип Алтай һәм Байкал арты крайларындаөлкәләре, шулай ук Кемерово өлкәсендә яшәүчеләр танылды. Алар бу күрсәткеч буенча ел дәвамында лидерлыкны саклап калдылар.

Быел социаль челтәрдә тискәре смайликларны иң күп Приморье һәм Хабаровск өлкәләре халкы калдырган. Моңсу топта өченче урынны Мәскәү һәм Мәскәү өлкәсе алды.

Тикшеренүчеләр билгеләп үткәнчә, уңай җавап бирүләрнең иң зур өлеше 2020 елның соңгы кварталына туры килгән. Икенче кварталда күңелсез постлар күбрәк булган. Хисапта моны социаль челтәрләрдә тискәре чагылыш тапкан коронавирус пандемиясе башлану белән бәйлиләр.

Пандемия быел «Одноклассники» да иң күп фикер алыша торган вакыйга булды. Аның белән бәйле 22 млн.тирәсе мәкалә теркәлгән. Барыннан да ешрак ил халкын маска режимы һәм кертү өйдә утыруны кертү кызыксындырды .

Тулырак: ТИ