Татарстанның атказанган артисткасы яман шеш белән авырый

Чит илдә татар музыкасының төп йолдызы, Австралиядә яшәүче җырчы Зуля Камалова бүген үзенең туган көнен билгеләп үтә.

Татарстанның атказанган артисткасы Зуля Камалова яман шеш белән көрәшүе турында сөйләде. Ул туган көнендә социаль челтәрләрдә хастаханә палатасыннан фотосурәте белән уртаклашты. Үзенең әйтүенчә, ярты ел элек ул ашыгыч операция кичергән, ә хәзер метастазалар белән көрәшә. 

«Гафу итегез, начар хәбәрләр, фаразлар бик өметләндерә торган түгел», — дигән ул. 

Камалова язылучыларыннан онкологиядән уңышлы дәвалану тарихлары белән бүлешергә чакырды. "Хәер,"күпчелек әйберләрне сынап карадым бугай" дигән җырчы. 

Зуля Камалова Австралиягә 1991 елда студентлар алмашу программасы буенча китә. Аның җырлары белән беренче диск 1997 елда чыккан. Бу еллар эчендә җырчы татар музыкасына, дөньяның төрле халыклары мотивларына һәм заманча юнәлешләргә мөрәҗәгать итеп, яңа яңгыраш бүләк итте.

Шәһри Казан