Томырылып чаба атлар

Җирле нәсел атлары арасында 2000 метрга узышуда «Татарстан» җәмгыятенең «Фортуна»сы (җайдагы М.Шәфигуллин) беренчелекне берәүгә дә бирмәде. «Маяк»тан «Флешка» (Р.Баһаветдинов) һәм «Алга» җәмгыятенең «Профессионал» кушаматлы аты (Р.Хәсбиуллин) финишка икенче һәм өченче булып килделәр. Әлеге төр ярышта соңгы урын Рәхимов исемендәге җәмгыятьтән «Альтаир»га (А.Гарифҗанов) бирелде.
Нәселле чабышкылар 1600 һәм 3000 метрга узышты. Кыска дистанциядә шәхси эшмәкәр Әсхадуллинның «Боруйск» кушаматлы чабышкысы (В.Семенов) берәүне дә уздырмады. Икенче урында «Татарстан»ның «Лачын»ы (җайдагы Р.Габделхаков), өченчедә - шәхси эшмәкәр Ибраһимовның «Чаптар»ы (Р.Ибраһимов). Озын дистанциядә Тукай исемендәге җәмгыятьнең «Рубикой ай» кушаматлы чабышкысы (В.Семенов) финиш сызыгын беренче булып кисте. «Татарстан»ның «Кавалер»ы (М.Шәфигуллин) - икенче, шушы ук җәмгыятьнең «Зверобой» кушаматлы чабышкысы (А.Ишназаров) өченче булды.
Гарәп токымлы атлар исә 2000 метрга узышты. «Татарстан» җәмгыятенең «Парк» кушаматлы аты (Р. Габ-делхаков) калганнарны артта калдырды. «Ватан (Р.Галимҗанов) - икенче, «Дергина» (Р.Латыйпов) өченче булып килделәр.

Рәсемдә:

Сабантуйның чын бизәге

- Чабышкылы атлары