"Торган саен тормыш сынаулары алдында үзебез генә түгеллегенә кат-кат инанабыз", ди Гозәеровлар (+фото)

Торган саен тормыш сынаулары алдында үзебез генә түгеллегенә кат-кат инанабыз.

Һич көтмәгәндә Ясминәбезне куандырган Линар Ибраһимовның олы йөрәкле, изге күңелле, гади, кешелекле икәнен беренче очрашуда ук аңладык. Аларның Илгәрәй белән кайтып сюрприз ясаулары Ясминәбез өчен күктән йолдыз атылгандай булды. Ясминәне шатландырган һәм күңелендә якты хәтирәләр калдырганыгыз өчен рәхмәтләребез чиксез.

Кызыбызның шатлыклы йөзен күрү, изге күңелле кешеләрнең ярдәме безгә алга барырга яңа көчләр өсти. Безгә эшләгән яхшылыкларыгыз үзегезгә меңе белән әйләнеп кайтсын!

                                                                                                                                                                                              Гозәеровлар гаиләсе,

Балтач бистәсе