Туган җирләрне бик сагынам, ди Илсаф Нуриев (фото)

Ильнур, 4 август 2017 - 11:46

2492

Көшкәтбаш егете Илсаф Нуриевның десантчылар көнендә туган ягына отпускага кайтуы - ике бәйрәмне берләштерүе хакында язган идек.

Туган җирләрне бик сагынам, ди Илсаф Нуриев (фото)

Илсафны авылдашлары бик сагынып көтеп алып: "Исән-имин кайтып җитүең белән, авылдаш. Җиләкле тау битләрен, чәчәкле болыннарны, чишмә тавышын, урман шавын, авыл исен сагынгансыңдыр. Матур яллар насыйп булсын сиңа!", дигән теләкләрен ирештергәннәр.

Туган авылына кайткач алган тәэсирләре белән Илсаф менә нәрсә дип уртаклашты: "Ялга 1 айга кайттым , 30 августта кире Рязаньда буласы инде. Авылымны бик сагынып кайттым, 2 августка кайтып җитәсе килгән иде, Аллаһыга шөкер, кайтып җиттем. Туган җирләрне бик сагынам, яратам. Җәй башында ук кайтасы килә башлады, бик көттем бу җәйге отпускамны".

Илсафыбыз Көшкәтбаш өчен көтеп алынган кунак булса, районыбыз өчен горурлык. Кайткан көнне үк ул Балтачта үткән десантчылар бәйрәмендә катнашып, һәйкәлгә венок салды. Әлбәттә, әлеге минутларда ул үзе дә зур дулкынлану белән беррәттән горурлык хисләре дә кичергәндер.