Туйдырдылар инде, аңламыйм...

« Туйдырдылар инде, аңламыйм. Кешенең шапшаклыгымы бу, я оятсызлыгымы?
Балтачның "Чәй йорты" белән рәттән торган Ленина урамы, 37 йорт янындагы чүп контейнерлары читенэ чүп атып китәләр. Шуларны этләр, мәчеләр таратып бетерә. Контейнерлар янына кадәр килеп җиткәч, капкачын ачып салырга буладыр бит инде ул?
Хөрмәтле, “Хезмәт”! Язып чыгыгыз әле, зинһар, бәлки туктарлар.»

Сайт укучыбыз Чулпан ханымнан әнә шундый тәнкыйть хаты килеп төште. Кеше үзәгенә үтмәсә безгә язмый. Фотода аунап яткан чүпләр күренми үзе, шуңа да автор “бу бүгенге фото, кичәге бардакны төшереп алмаганмын”, ди. Чисталык - күркәмлек кенә түгел, сәламәтлек чыганагы да. Авторны һәм башка ул тирәдә яшәүчеләрне борчый торган ямьсез күренешләр бүтән кабатланмас дип уйлыйбыз, әгәр кабатлана икән, ияләре белән бергә фотолар, видеолар көтеп калабыз.