Төзүчеләр көне белән!

Төзүче һөнәре күп гасырлар дәвамында мактаулы һәм хөрмәткә лаек һөнәр булып санала. Башкарган хезмәтегез дәвамлы икән, димәк, безнең район үсә, халкының тормышы яхшыра бара дигән сүз. Бүген төзүчеләребезнең хезмәте нәтиҗәсендә районыбыз яшәү өчен уңайлы мохит буларак тиз темпларда үзгәрешләр кичерә. Сез бүгенге заманда кеше аннан башка яшәүне күз алдына да китерә алмаган объектларны булдырасыз – яшәү өчен лаеклы шартлар тудырасыз. Нәкъ менә сезнең тырышлык белән районыбыз үсә, киңәя, төзекләнә, матурлана: Балтачыбызда таш өстендә гөлләр үстерердәй кешеләр булган кебек, таштан гүзәллек тудыручылар да шактый. Һөнәри бәйрәмегез көнендә җаваплы һәм нәтиҗәле, шул ук вакытта җиңелләрдән булмаган хезмәтегез өчен чын күңелдән олы рәхмәт белдереп, сезгә ныклы сәламәтлек, бәрәкәтле гомер, гаиләләрегезгә иминлек, бәхет, хезмәтегездә яңа проектларыгызның чынга ашуын, киләчәктә тагын да һөнәри үрләр яулавыгызны телим. Барлык уй-ниятләрегез кешеләр өчен әһәмиятле гамәлләргә әверелсен һәм лаеклы нәтиҗәләргә ирешергә ярдәм итсен. Сез төзегән биналар күңелегезне җылытып, ерактан ук балкып торсын. Бәйрәм белән сезне!

Олы ихтирам хисләре белән Балтач муниципаль районы башлыгы Рамил Нотфуллин