Укучыларыбыз мөрәҗәгате

Миңа да тапшырырга кирәк була калса, Яңа елга кадәр документ тапшырырга җитешә алырмынмы? Өлкән кешеләргә ярдәм йөзеннән, ни сәбәпле район Пенсия фонды авылларга барып документ алуны оештырмый икән? Чутай, Нөнәгәр, Югары Сәрдек, Куныр, Шодадан Балтачка бару өчен транспорт кирәк бит әле, ә ул күпме чыгым сорый! Пенсионерлар болай да акчаларын санап кына тоталар бит!

Газета укучыбыздан килгән әлеге сорауны район Пенсия фонды идарәсе җитәкчесенең урынбасары Алсу Сафинага һәм 13нче номерлы компенсацияләр түләү филиалы җитәкчесе Фатыйма Галимовага юлладык.

- Гаиләдә 18 яшькә кадәрге 3 бала булганда, аларның туу турындагы таныклыклары белән безгә килеп теркәлүгә, 6 яшькә кадәрге балалары булган очракта ай саен 106 сум күләмендә дару акчасы, мәктәп укучылары булганда 241 сум юл акчасы кире кайтарыла һәм коммуналь түләүләргә 30% ташлама ясала. Боларына гаиләнең керемнәре турындагы белешмәләр кирәкми, ә инде алардан тыш тагын нинди өстенлекләргә ия булуларын белү өчен, гаиләнең 3 айлык керемнәре күрсәтелгән справка белән безгә килергә кирәк. Әгәр аларда гаиләнең кереме яшәү минимумыннан кимрәк булып күренә икән, ай саен бер балага 262 сум күләмендә пособие күчереләчәк, - диде Фатыйма Шамилевна.

- 200 сум дигән өстәмә акча бездә, ягъни район Пенсия фонды каралмаган, шуңа да ул хакта бер сүз дә әйтә алмыйм. Ә менә хатның икенче өлешендәге сорауга җавап биреп үтәсем килә. Авылларга йөреп без халыкка яңалыкларны гына җиткерә алабыз. Ә документлар кабул итү эшен алай гына башкарып булмый. Чөнки һәрбер кешенең паспорт, СНИЛС һәм кирәкле булган башка документлары сканир аша компьютерга кертелеп, шәхси делолар хәзер кәгазьдә генә түгел, электрон вариантта да эшләнә. Халык шуны аңласын һәм кабул итсен иде, ди Алсу Сәяфовна.

Фото: nvologda