Военком диңгезчеләрне котлый

28 июльдә Рәсәйдә хәрби диңгез гаскәрләре көне билгеләп үтелә. Бәйрәм буларак ул, Президент указы нигезендә, 1994 елда билгеләп үтелә башлаган. Мин үзенең Ватан алдындагы хәрби бурычларын диңгездә хезмәт итүгә багышлаган һәрбер ир-егетне бәйрәмнәре белән котлыйм. Һәркемгә ныклы сәламәтлек, эшләрендә уңышлар, күңел күтәренкелеге, шатлык - куанычларга күмелеп, бәйрәмнәрне һәрвакыт тыныч, имин күк астында үткәрергә язсын дип теләп калам. Бәйрәмнәрегез тыныч үтсен, хөрмәтле егетләр!

Хөрмәт белән, Балтач хәрби комиссары Васыйл Валиев.