WhatsApp нинди үзгәрешләр кертте?

WhatsApp мессенджеры күпләп хәбәр таратуны тыйды. Бу чикләү ялган хәбәрләр таратуны бетерү өчен эшләнә. Хәзер бер үк хәбәрне биш тапкыр гына җибәрергә була. Бу турыда Би-Би-Си агентлыгына сылтама белән «Интерфакс» хәбәр итте.

Яңа чикләү буенча бер үк хәбәрне 1,2 мең чамасы кешегә генә тапшырып булачак. Чөнки мессенджерда төркем чатында 256 кеше теркәү мөмкин.

Моңа кадәр бер хәбәрне егерме тапкыр җибәреп булды. Шулай итеп бер хәбәрне биш меңнән артык кеше уку мөмкинлеге бар иде. 

Бу чикләү WhatsApp мессенджеры аша бөтен дөнья буйлап тарала торган хәбәрләр санын киметергә мөмкин, диелгән әлеге хәбәрдә.

Бу хакта тулырак:https://intertat.tatar/copayjavap/whatsapp-tagyn-nindi-k-chle-chikl-kertte/

Фото: Солтан Исхаков