Яңа ел ишек кага

Санаулы сәгатьләрдән Яңа елны каршы алачакбыз. "Хезмәт" газетасы коллективы да һәрбер укучысын Яңа ел бәйрәме белән ихластан котлап, сәламәтлек, гаилә бәхете, шатлык-сөенечләр тели. Бәйрәмегез мөбарәк, күңелле, куанычлы, ризык тулы өстәлегез түгәрәк булсын. 

Яңа елга теләгем!

Ап-ак карларга уралып,

Син киләсең, Яңа ел!

Ак карлардай ак бәхетле,

Булсын безнең яңа юл.

Хуш киләсең, Яңа ел!

Табыныбыз мул булсын,

Якыннарым, дус-ишләрем,

Табын түрендә торсын!

Яңа ел барыбызга

Китерсен бәхет, шатлык.

Сәламәтлек юлдаш булсын!

Кирәкми башка затлык.

Тынычлык булсын илдә,

Елмайсын йөзләр гел дә!

Күк йөзендә кояш безгә,

Нурларын сипсен гел дә!

Эшләребез уң булсын,

Тик шатлыклы минутлардан

Безнең гомерләр торсын!

Яңа ел котлы булсын!

Гөлфия Гизатова (Мортазина)

Ринат Зарипов фотосы