Үзәк хастаханәсенеӊ көчле җил түбәсен алып аткан (+фото)
Бу вакытта хастаханәдә 88 пациент һәм 50 хезмәткәр булган, беркем дә зыян күрмәгән.
Татарстандагы Питрәч авылында көчле җил үзәк район хастаханәсе түбәсен алып аткан. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
«Питрәчтә үзәк хастаханә түбәсен (2 мең квадрат метр мәйданда) җил куптарып атуы турындагы хәбәр бүген 14 сәгать 35 минутта ашыгыч хезмәтләрне чакыруның бердәм номерына килде», – диделәр Татарстан Гадәттән тыш хәлләр министрлыгы матбугат хезмәтендә.
Һәлакәт вакытында хастаханәдә 88 пациент һәм 50 хезмәткәр булган, беркем дә зыян күрмәгән. Авыручы кешеләрне дүртенче каттан өченче катка күчергәннәр. Хастаханә гадәти режимда эшли, түбәне төзәтү эшләре бара.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев