Вормыса бертӥзы

29.12.2016 11:34 | Азьлане Принтерга

Вормыса бертӥзы
Кылем арняе, 12-14 толсуре, Казаньысь олимпиадной центрын удмурт, пор, чуваш но мордва кылъёсъя республиканской олимпиадаос ортчизы.
Асьме ёросысен но отчы Ӟаны шоръёзо школаысь удмурт кылъя но литературая дышетӥсьлэн Мария Петровна Николаевалэн кивалтэмез улсын мынӥзы районной олимпиадаосын вормем 6 пиналъёс. Туж шумпотымон, Ӟаны школаысь 10-тӥ классын дышетскись Алина Петрова но Покчи Лӧзя школаысь 9-тӥ классын дышетскись Алина Калинина удмурт кылъя олимпиадалэн республиканской этапаз вормисе потӥзы. Озьы ик Ӟаны школаысь 10-тӥ классысь Диана Исаева удмурт кылъя, нош Ципья школаысь 11-тӥ классын тодон-валан люкась Игорь Соловьёв пор кылъя призёръёс луизы. Пиналъёсты олимпиадалы усто дасяны быгатэм дышетӥсьёслы: Мария Петровна Николаевалы (Ӟаны шоръёзо школа), Наталия Львовна Антоновалы (Покчи Лӧзя шоръёзо школа) но Надежда Анатольевна Ивановалы (Ципья шоръёзо школа) — бадӟым тау.

Озьыен, кык Алинаос, Петрова но Калинина, толшоре Ижкарын ортчоно региональной олимпиадае пыриськыны право басьтӥзы. Молодцы, нылъёс! Азинсконъёс тӥледлы!


Будь в курсе последних событий! Читай tatmedia.ru


Фикереңне яз


Робот түгелдерсез бит?
Яңарту