Ымусьтон – югыт праздник (+фоторепортаж)

10.01.2017 17:53 | Азьлане Принтерга

Ымусьтон – югыт праздник (+фоторепортаж)
6 январьысен 7 январе Ципьяысь черкын (шаерысь мукет черкъёсын кадь ик) ортчиз Ымусьтонлы сӥзем служба. Но та служба Ымусьтон праздниклэн кутсконэз гинэ вал… Ӝыт Ципья культура юртын Иисус Христослэн вордскем нуналэзлы сӥзем концерт ортчиз.
Та ужрадэз сяме пыӵатыса витетӥ арзэ радысь ортчытӥзы ини. Татчы пыриськизы школаын дышетскись пиналъёс, студентъёс но бадӟымъёс. Та выжыкылысь геройёсын, шулдыр кырӟанъёсын но эктонъёсын узырмытэм зэмос праздник вал. Нылпиослэсь мылкыдзэс ӝутыса лыктэмын вал Ципья черкогуртысь но матысь гуртъёсысь калык, озьы ик нылпи садысь пиналъёс но. Соос, мылысь-кыдысь сцена вылэ потыса, кужмо кичабконъёс улсын кылбуръёс веразы. Ваньзы ик ческыт кузьымъёсын пусйиськизы.

Та праздникез ортчытыны коньдонэн бадӟым юрттэт сётӥз Ципья черкысь иерей Георгий. Тужгес но бадӟым тау спонсоръёслы: Хадиев Рашид Хафизовичлы («Труд» обществолэн кивалтӥсез), Гилязов Наиль Рауфовичлы («Балтасиагрохимсервис» обществолэн кивалтӥсез), Бариев Ханиф Накиповичлы («Мелиоратор» обществолэн кивалтӥсез), Ципья поселенилэн кивалтӥсезлы Нотфуллин Азат Газизулловичлы, нимаз ужбергатӥсьёслы: Рамазанова Нурания Галимзяновналы, Сагитова Расима Кадимовналы, Хадиев Реваль Хафизовичлы, Кузнецова Юлия Николаевналы, Абрамова Светлана Александровналы.
 

Наталья Жукова


Будь в курсе последних событий! Читай tatmedia.ru


Фотогалерея

Фикереңне яз


Робот түгелдерсез бит?
Яңарту